Vetrarheims Pepsi Blue

Fæddur 11. október 2004
Dáinn 28. janúar 2010.

Pepsi Blue var kallaður Pjakkkur. Hann var mjög fallegur á litinn,
blár og hann var lifandi eftirmynd móður sinnar. Hann var með
alvarlega nýrnarbilun og var svæfður 28 janúar 2010.
Pjakkur var mjög rólegur, ljúfur og kelinn. Hann var hógvær og lét
ekki mikið yfir sér. Hann var samt gríðarlega mikill veiðiköttur. Hann
veiddi stundum marga fugla sama daginn og kom með fyrir fætur húsbónda
síns. Þá var hann afar flinkur klifurköttur. Nokkurra mánaða var hann
kominn upp í hæstu tré á Ásvallagötunni og dinglaði jafnvel á smáum
greinum í 7-8 metra hæð sér til skemmtunar en eiganda sínum til
mikillar skelfingar sem var næstum búinn að hringa á slökkviliðið.
Hann kom sér yfirleitt fyrir á háum hillum á heimili sínu þar sem hann
dottaði og hafði það gott.

Albróðir hans Atlas saknar hans sárt og einnig feðgarnir þrír að
Ásvallagötu 10, Reykjavík. Við munum aldrei gleyma þér elsku vinur.

Eldibrands Blátoppur

Fæddur:17.11.2007
Dáinn14.12.2009
Eigandi: Birna Vigdís Björnsdóttir
Blámi minn var ást við fyrstu sín, var ekki lengi að stökkva til þegar ég frétti hjá Margréti að hann væri falur og sá ég aldrei eftir því. Blámi var meira en lítið æðislegur og stríðnari kött hef ég aldrei kynnst. Hann stríddi ekki bara læðunni á heimilinu, henni Esmeröldu, heldur hundum og mannfólkinu líka. Ófá skiptin beið hann í leini til að hrekkja hunda og ketti, var hann líka fyrstur á svæðið er matardallurinn var fylltur. Hann var líka fyrstur alla morgna að fagna því að dóttir mín væri vöknuð og kúrði alltaf í fanginu á henni meðan hún borðaði morgunmat, síðan höfðu þau það notarlegt yfir barnaefninu eða meðan skóladótið var tekið til. Eftir að Esmeralda átti sitt fyrsta got þá var það ljóst að sambúð þeirra frændsystkina myndi ekki ganga svo hann fór í smá fóstur í Hfj. Í lok sumars byrjun haust, en hann var komin aftur í Garðabæinn og var bara nokkrum götum frá okkur þegar hann varð fyrir bíl. Það er búið að vera hræðileg sorg á heimilinu eftir að við sóttum hann og kvöddum, og vildi ég óska að við hefðum náð að knúsa hann bara einu sinni enn.Við mæðgur kveðjum þann allra besta kisa í heimi og söknum hans sárt, ég veit líka að það eru fleirri sem sakna hans og væri hver heppinn að hafa kynnst svo skemmtilegum kisa sem Blámi var. Með tár í augunum kveðjum við hann í hinsta sinn, elskum þig.

Blíðfinnur Funi
Fæddur: 21. nóvember, 2002
Látinn: 27. febrúar 2009
Eigandi: Erla Stefánsdóttir
Blíðfinnur flutti 12 vikna til Sigrúnar þar sem átti gott líf. Ég fékk að passa Blíðfinn minn tvisvar eftir að hann flutti að heiman, mér til mikillar ánægju, síðast vorið 2004. Í fyrra kom svo upp ofnæmi á heimilinu og þá flytur Blíðfinnur til mín fyrir fullt og allt. Allt gekk vel í fyrstu, en síðan fórum við að taka eftir að Blíðfinni leið ekki vel og dýralæknar sögðu að hann hefði alvarlega þvagfærasýkingu. Ekki tókst að vinna bug á sýkingunni sem versnaði hægt og rólega þó við ættum svo sannarlega góðar stundir inn á milli og í febrúar s.l. neyddist ég til að taka þá ákvörðun að gera það sem væri best fyrir strákinn minn og leyfa honum að kveðja.
Hans er sárt saknað bæði á okkar og hans fyrrverandi heimili. Hvíl i friði blíði góði strákurinn okkar.

Skaga Tristan

Fæddur: 10.mars 2005
Eigandi Sólveig Runólfsdóttir

Hann Tristan týndist af heimili sínu Seljabraut í Breiðholti í byrjun ársins 2008 og hefur ekki skilað sér heim síðan þá. Þótt frést hafi til hvítar kattar í Bökkunum en ekki fundist þótt víða væri leitað.. :( Hans er sárt saknað og vonandi er hann bara komin á gott heimili frekar en látinn. Elsku Tristan minn, þú varst besti kisi sem ég hef nokkurn tíman átt. Svo blíðan og ljúfan kisa er erfitt að finna. Við söknum þín. :* Sólveig og fjölskylda.

Fædd 11. mars 2008
Varð fyrir bíl í október 2008.
Eigandi: Kristbjörg Kolbeinsdóttir, Akureyri  

Hvíldu í friði, elsku prins.

Gullfoss Aþena
Fædd: 18. janúar, 2004
Dáin: Febrúar, 2005
Eigandi: Berit G. Kristjánsdóttir

Laugardaginn 26.febrúar lenti Aþena í bílslysi.  Við skoðun hjá dýralækni kom í ljós að áverkarnir voru svo slæmir að það þurfti að svæfa hana.  Það var erfið og sár ákvörðun.  Hennar er sárt saknað á heimili okkar og af allri fjölskyldunni.